Cookies

     आपण superstore मध्ये गेलेलो असताना आपल्या लक्षात येतं की घरात चहा, कॉफी बरोबर खायला काहीच नाहीये. म्हणून मग आपण बिस्किटांच्या गल्लीत जायला वळतो. तिथे खरेदी करताना अचानक आपलं लक्ष तिथे ठेवलेल्या cookies च्या पुड्याकडे जातं. त्याच्यावर cookies चा सुंदर फोटो असतो. आपल्याला मोहात पाडण्यासाठीच हे असले फोटो छापतात आणि त्यानुसार आपण तत्काळ त्याच्या मोहात पडतोच. नेहमीच्या बिस्कीटांपेक्षा जरा महाग असले तरी 2-3 वेगवेगळे पुडे घेतो आणि खुशीत घरी येतो. घरी येऊन तो पुडा फोडून बघितल्यावर आपल्या लक्षात येत की त्यात जेमतेम 6-7 cookies असतात. मग मात्र आपण हिरमुसतो. "या अशा एवढ्याशा cookies विकत आणण्यापेक्षा त्या घरी करता आल्या तर!!!" असा विचार करत आपण उरलेल्या cookies चा फन्ना उडवतो. तर या अशाच विचाराने मी घरी cookies करायला लागले. 

     मुळात मी फार बिस्कीटप्रेमी नसल्यामुळे मी त्या वाटेला जाऊन अजून काय काय प्रकार आहेत ते फारसं कधी बघितलं नव्हतं. मग एकदा मी बंगलोरला cookies खाल्ल्या आणि त्या मला खूपच आवडल्या. त्यानंतर एकदा गिरीजा ओक हिनी दाखवलेली cookies ची एक रेसिपी मी T.V. वर पहिली आणि cookies करून पहिल्या तर त्या खूपच मस्त झाल्या. मग काय त्या नंतर मी अनेक प्रयोग करण्याचा सपाटाच लावला. वेगवेगळ्या flavours, coatings, fillings असलेल्या cookies करून पहिल्या. एकदा तर मी मम्मा घरात नसताना cookies करत होते. ती बाहेरून आली तर म्हणाली, "Cookies चे प्रयोग चालू दिसताहेत." मी म्हणाले, "तुला कसं कळलं?" तर ती म्हणाली, "बाहेर पार खालच्या मजल्यापर्यंत cookies चा छान खरपूस वास येतोय. मलाच काय एव्हाना सगळ्या शेजाऱ्यांनाही कळलं असेल :)"
     Cookies सगळ्यांना आवडतात म्हणून नेहेमी केल्या जातात. त्या ओव्हन मध्ये ठेवून हळूहळू बेक व्हायला लागल्या की त्याचा दरवळ घरभर सगळीकडे पसरतो आणि घरातल्या सगळ्यांची स्वयंपाकघराकडे चकरा मारायला सुरुवात होते. सगळ्यांना त्या शिकायच्याही असतात. माझी 5 वर्षांची भाची अनुष्का हिच्यासाठी मी नेहेमी cookies करायचे. मागे एकदा तिने तिच्या आईबरोबर cookies केल्या तर तेव्हापासून ती सगळ्यांना सारखी त्याची रेसिपी तिच्या पद्धतीनी सांगत असते.
     तर अशा ह्या खरपूस भाजलेल्या, खुसखुशीत आणि yummyyy ... cookies तुम्हाला शिकायच्यात का? मग अनुष्काला भेटा :) :) किंवा मी खाली दिलेल्या त्याच्या वेगवेगळ्या रेसिपी वाचा आणि नक्की करून बघा. चला तर मग तुमचं किचन तुमची वाट बघतय...!!! 

Butter vanilla cookies:

साहित्य: 140 ग्रॅम (1 1/4 कप) मैदा, 80 ग्रॅम (3/4 कप) पीठी साखर, 115 ग्रॅम (1/2 कप) लोणी, 3/4 टीस्पून बेकिंग पावडर, 1/4 टीस्पून vanilla essence, 1/2 अंड 

कृती:

भाग 1: 

• एका ट्रेला ग्रीसिंग करा किंवा ट्रेवर बटर पेपर लावा. nonstick ट्रे ला काही करावे लागत नाही.
• मैदा आणि बेकिंग पावडर तीनदा चाळून घ्या. 
• अंड फोडून जरा फेटून घ्या.
• लोणी चकचकीत दिसेपर्यंत फेटा. त्यात पीठी साखर घालून फेटा. मग त्यात अंड घालून फेटा. त्यात vanilla essence घाला. 
• त्यात मैदा आणि बेकिंग पावडरचे मिश्रण cut and fold पद्धतीने मिसळा. मैदा आणि अंड्याचा संपर्क आला की फुगण्याची क्रिया चालू होते त्यामुळे यानंतर कमीत कमी वेळात बेक करा. 

हे cookies साठी basic मिश्रण तयार झाले. यात आपण काही बदल करून अनेक प्रकारच्या cookies करू शकतो.

भाग 2:

मिश्रणाचे गोळे करून चपटे करा आणि ट्रे मध्ये ठेवा. Cookies तयार झाल्या की मूळ आकाराच्या दीडपट होतात त्यामुळे चपटे गोळे एकमेकांपासून काही अंतरावर ठेवा. ओव्हन 5-7 मिनिटे 200deg. C (400deg. F) ला preheat करा. ट्रे आत ठेवून 150deg. C (300deg. F) ला 15 मिनिटे बेक करा. 

Chocolate chip cookies:

साहित्य: 2 टेबलस्पून chocolate chips 
कृती: 

• वरील कृतीनुसार भाग 1 करा. तयार झालेल्या मिश्रणात chocolate chips टाका आणि हलक्या हाताने cut and fold पद्धतीने मिसळा.
• मिश्रणाचे गोळे करून किंचित चपटे करा आणि त्यावर chocolate chips लावा. हलक्या हाताने किंचित दाबा. पुढची कृती भाग 2 नुसार करा. 

Chocolate lover's cookies:



साहित्य: 2 टीस्पून कोको पावडर,  2 टेबलस्पून chocolate chips 

कृती: 

• मैदा आणि बेकिंग पावडर बरोबर कोको पावडरही तीनदा चाळून घ्या. (यात अर्धा टीस्पून कॉफी पावडर घातली तर त्याची कडसर चव मस्त लागते.)  वरील कृतीनुसार भाग 1 करा. तयार झालेल्या मिश्रणात chocolate chips टाका आणि हलक्या हाताने cut and fold पद्धतीने मिसळा.
• मिश्रणाचे गोळे करून किंचित चपटे करा आणि त्यावर chocolate chips लावा. हलक्या हाताने किंचित दाबा. पुढची कृती भाग 2 नुसार करा.

Coconut cookies:

साहित्य: 2 टेबलस्पून सुक्या खोबऱ्याचा कीस  
कृती: 

• सुक्या खोबऱ्याचा कीस मंद आचेवर सोनेरी होईपर्यंत परता.
• वरील कृतीनुसार भाग 1 करा. तयार झालेल्या मिश्रणात खोबऱ्याचा भाजलेला कीस टाका आणि हलक्या हाताने cut and fold पद्धतीने मिसळा.
• मिश्रणाचे गोळे करून किंचित चपटे करा आणि त्यावर थोडा खोबऱ्याचा कीस लावा. हलक्या हाताने किंचित दाबा. पुढची कृती भाग 2 नुसार करा. 

Coffee cookies:



साहित्य: 1 टीस्पून instant कॉफी पावडर.

कृती: 

• मैदा आणि बेकिंग पावडर बरोबर instant कॉफी पावडरही तीनदा चाळून घ्या. वरील कृतीनुसार भाग 1 करा. 
• पुढची कृती भाग 2 नुसार करा. 

Cinnamon cookies:

साहित्य: 1/4 टीस्पून दालचिनी पावडर, साखर.
कृती: 

• मैदा आणि बेकिंग पावडर बरोबर दालचिनी पावडरही तीनदा चाळून घ्या. वरील कृतीनुसार भाग 1 करा. 
• मिश्रणाचे गोळे करून किंचित चपटे करा आणि त्यावर थोडी साखर भुरभुरा. हलक्या हाताने किंचित दाबा. पुढची कृती भाग 2 नुसार करा. (साखरेमुळे cookie चा वरचा भाग कुरकुरीत लागतो.)

Dry fruits and nuts cookies:

साहित्य: बेदाणे, मनुका, सुके अंजीर, cranberries, जर्दाळू यासारखे कोणतेही dry fruits आणि काजू, बदाम, अक्रोड, pecan यासारखे कोणतेही nuts.

कृती: 

• वरील कृतीनुसार भाग 1 करा. तयार झालेल्या मिश्रणात dry fruits आणि nuts टाका आणि हलक्या हाताने cut and fold पद्धतीने मिसळा.
• मिश्रणाचे गोळे करून किंचित चपटे करा आणि त्यावर थोडा सुकामेवा लावा. हलक्या हाताने किंचित दाबा. पुढची कृती भाग 2 नुसार करा. 

Crunchy golden brown cookies:

साहित्य: 1 कप corn flakes  

कृती: 

• वरील कृतीनुसार भाग 1 करा. 
• corn flakes चा चुरा करा. मिश्रणाचे गोळे करून किंचित चपटे करा आणि ते corn flakes च्या चुऱ्यात घोळवा. चिकटलेला चुरा हलक्या हाताने किंचित दाबा. पुढची कृती भाग 2 नुसार करा. 

Caramel rice flakes cookies:

     

    

साहित्य: 1 कप पातळ पोहे, 1 टेबलस्पून साखर, 1 टीस्पून लोणी.         

कृती: 

• पातळ पोहे हलके भाजून जर कुरकुरीत करा.
• एका कढईत लोणी टाका. ते वितळले की त्यात साखर घाला आणि सतत हलवत रहा. या मिश्रणाला सोनेरी रंग आला की त्यात भाजलेले पोहे टाका आणि नीट हलवून साखरेचे मिश्रण पोह्याला सगळीकडे सारखे लावून घ्या. पोहे एकमेकांना चिकटले तर जरा चुरा करा.
• वरील कृतीनुसार भाग 1 करा. 
• मिश्रणाचे गोळे करून किंचित चपटे करा आणि ते पोह्याच्या चुऱ्यात घोळवा. चिकटलेला चुरा हलक्या हाताने किंचित दाबा. पुढची कृती भाग 2 नुसार करा. 

Jam sandwich cookies:

साहित्य: कोणत्याही प्रकारचा जॅम. 

कृती: 

• वरील कृतीनुसार भाग 1 करा. 
• मिश्रणाचे गोळे करून किंचित चपटे करा. अर्ध्या गोळ्यांना बोटानी मध्ये भोक पाडा. पुढची कृती भाग 2 नुसार करा. 
• तयार cookies पूर्ण थंड होऊ द्या. मध्ये भोक नसलेल्या cookies च्या खालच्या सपाट भागावर जॅम पसरा आणि भोक असलेल्या cookies त्यावर ठेवा. मधल्या भोकातून रंगीत जॅम मस्त दिसतो.

Ice cream sandwich cookies:

साहित्य: कोणत्याही प्रकारचे ice cream . 

कृती: 

• वरील कृतीनुसार भाग 1 करा. 
• मिश्रणाचे गोळे करून किंचित चपटे करा. अर्ध्या गोळ्यांना बोटानी मध्ये भोक पाडा. पुढची कृती भाग 2 नुसार करा. 
• तयार cookies पूर्ण थंड होऊ द्या. मध्ये भोक नसलेल्या cookies च्या खालच्या सपाट भागावर ice cream चा जाड थर पसरा आणि भोक असलेल्या cookies त्यावर ठेवा. मधल्या भोकातून ice cream दिसेल. 
• अशी ice cream sandwichs तयार करून फ्रीझर मध्ये ठेवा. हे नुसते तर खाता येतेच पण यावर जेली, फळांचे तुकडे टाकले तर याचे मस्त dessert तयार होते. 

Bear cookie pops:

साहित्य: ice cream च्या काड्या, icing, गोळ्या, फळांचे तुकडे असे डेकोरेशनचे साहित्य.

कृती: 

• वरील कृतीनुसार भाग 1 करा. 
• प्रत्येक cookie pop साठी मिश्रणाचा 1 मोठा आणि 2 छोटे असे गोळे करून किंचित चपटे करा. छोटे गोळे मोठ्या गोळ्याला लागून एकमेकांपासून थोड्या अंतरावर ठेवा. हे अस्वलाचे कान होतील. 
• मोठ्या गोळ्यामधे  खालच्या बाजूनी ice cream ची काडी खुपसा.
•  पुढची कृती भाग 2 नुसार करा. 
• तयार cookies पूर्ण थंड होऊ द्या. मग त्यावर icing, गोळ्या, फळांचे तुकडे यांच्या सहाय्यानी अस्वलाचे तोंड, नाक, डोळे काढा आणि हवे तसे सजवा. 
• लहान मुलांच्या पार्टीसाठी हे करता येतात. 

'सूप' र one dish meal

     संध्याकाळची वेळ असते. आपण नुकतेच ऑफिस मधून किंवा दुकानातून नेहमीची खरेदी करून आलेलो असतो. वाटेत गर्दी आणि चिक्कार ट्राफिक लागलेला असतो. आपण पुरते दमलेलो असतो आणि खूप भूक लागलेली असते. आता यापुढे नेहमीचा सगळा स्वयंपाक करण्याएवढा वेळ नाही त्यामुळे पटकन मुगाच्या डाळीची खिचडीच खावी लागणार. म्हणून आपण तयारी करायला लागणार तेवढ्यात मनात विचार येतो, "आत्ता मस्त पनीर माखनवाला किंवा बटर चिकन खायला काय मज्जा येईल." एवढ्या एका विचाराने आपण त्या चविष्ट ग्रेव्हीच्या आठवणीत पुरते रंगून जातो. त्याची ती आंबट आणि गोडसर चव, मस्त लुसलुशीत आणि सुंदर स्वाद असलेलं पनीर किंवा चिकन आणि ग्रेव्ही मधला तो creaminess याच्या आठवणीनी तोंडाला पाणी सुटतं. "सारखं हॉटेलचं खाऊन कंटाळा आलाय. खरतर घरात सगळं समान आहे पण आत्ता बनवायला कितीतरी वेळ लागेल. परत त्याबरोबर रोटी, पोळ्या, भात काहीतरी करावं लागणार. एवढा वेळ आत्ता नाहीये." आपण एक उसासा टाकतो, नजरेसमोर तरळणाऱ्या त्या चवदार ग्रेव्ही वर मनातल्या मनात काट मारतो आणि परत खिचडीकडे वळतो. अशाच एका संध्याकाळी हा पदार्थ करण्याची 'सूप' ीक कल्पना माझ्या डोक्यात आली. 
     इथे अमेरिकेत देशोदेशीच्या पदार्थांची restaurants आहेत. त्या देशातल्या त्या विशिष्ठ चवी जपणारे पदार्थ जसे मिळतात तसेच दोन देशातल्या अगदी भिन्न चवी एकत्र करून पूर्णतः नवीनच बनवलेले पदार्थही मिळतात. मेक्सिकन पिझ्झा, सीख कबाब wrap, थाई पिझ्झा यासारखे पदार्थ हे आता नक्की कोणत्या देशाचे हे ठरवणं आवघड आहे. याच प्रकारात मोडणारा चिकन टिक्का मसाला सूप हा पदार्थ एका ठिकाणी खाल्ला आणि तो खूपच आवडला. एकदा बटर चिकनची आठवण आलेली असताना shortcut म्हणून केला आणि त्या पदार्थाच्या मी प्रेमातच पडले. त्यानंतर कित्येकदा मी हे सूप केले आणि त्यात अनेक प्रयोग करून त्याची एक स्वतंत्र रेसिपी तयार केली. यात बटर चिकन चे सूपांतर झाले आहे :) म्हणालं तर तशीच चव पण म्हणालं तर अगदी वेगळी. म्हणालं तर सूप पण नुसतं प्यायच्या ऐवजी ते खाताही येतं. सूप नी जेवण चालू करा आणि शेवटपर्यंत सूपच खात राहा. आत्तापर्यंत तुमची उत्सुकता अगदी शिगेला पोचली असणार. "काय आहे तरी काय हे सूप नक्की? नुसतंच तोंडाला केव्हाचं पाणी सुटतंय!" चला, याची रेसिपी बघूया.

साहित्य:

200 ग्रॅम चिकन, 1 कप tomato प्युरी, 1/4 कप तांदूळ, 1 1/2 कप चिरलेल्या भाज्या (ढब्बू मिरची, मक्याचे दाणे, मटार, गाजर, लाल भोपळा, फ्लॉवर, मशरूम यापैकी किंवा अजून इतरही) 2 मध्यम तिखट हिरव्या मिरच्या, अर्धा टीस्पून आलं पेस्ट, अर्धा टीस्पून लिंबाचा रस, 1 टेबलस्पून लोणी, 3-4 वेलदोडे, 1 टीस्पून कसूरी मेथी, 2.5 कप चिकन broth, पाव कप दूध, 2 1/4 कप पाणी (चिकन broth, दूध, पाणी मिळून साधारण 5 कप) साखर, मीठ चवीनुसार.

(यात चिकन ऐवजी पनीर घालता येते. शिवाय मोडाची कडधान्येही मस्त लागतात. तसेच चिकन broth ऐवजी vegetable stalk घालता येईल.)

कृती:

• चिकनचे लांब, बारीक तुकडे करून त्याला लिंबाचा रस, आलं, मिरची पेस्ट आणि मीठ लावून 15 -20 मिनिटे marinate करा. एका कढईत थोड्याशा तेलात लोणी घाला (असे केल्यामुळे लोणी जळत नाही) आणि त्यात चिकन घालून अर्धवट शिजेपर्यंत परतून घ्या. चिकन बाऊल मध्ये काढून घ्या. 
• एकीकडे चिकन broth आणि पाणी उकळत ठेवा. 
• कढईत परत थोड्याशा तेलात लोणी घाला आणि त्यात आलं, मिरची पेस्ट, वेलदोडे फोडून घाला. त्यात धुतलेले तांदूळ घाला आणि तांदूळ हलके होईपर्यंत परता. 
• त्यात चिरलेल्या भाज्या घालून थोडेसे परता. मग tomato प्युरी घालून 1 मिनिट परता. त्यात उकळलेला चिकन broth आणि पाणी घाला. साखर, मीठ घालून चांगले ढवळा. 
• तांदूळ शिजत आले की त्यात कसूरी मेथी घाला. (कसूरी मेथी तव्यावर किंचित गरम करून घातली तर त्याची हातानी बारीक पावडर करता येते.) मिश्रणात दूध घाला. एकीकडे सतत ढवळत राहा म्हणजे दूध फुटणार नाही. यात हवे असल्यास दुधाबरोबर थोडे क्रीम पण घालू शकता. यात शिजलेले चिकन घालून 2 मिनिटे उकळा. 
• बाऊलमध्ये घेतल्यावर वरून थोडे लोणी घाला आणि गरम गरम खा / प्या.

   

   

   
     पहिला चमचा तोंडात घातल्याबरोबरच मस्त आंबट गोड चव लागते आणि दूध घातल्यामुळे सूपला creamy, silky texture येतं. चिकन broth आणि अनेक वेगवेगळ्या भाज्या यामुळे सूपची लज्जत काय वाढते म्हणून सांगू. कसूरी मेथी, वेलदोडा यामुळे अगदीच बटर चिकन सारखी चव लागते. पण हे सूप नेहमीच्या बटर चिकन पेक्षा किती तरी सोप्या पद्धतीनी आणि पटकन होतं. सूपमध्ये तांदूळ घातल्यामुळे त्याला आपसूकच थोडा thickness येतो आणि प्रत्येक घासात भात, भाज्या, चिकन असं दाताखाली येऊन मजाच येते. चिकन broth आणि भाज्या घातलेल्या पाण्यातच भात शिजत असल्यामुळे भाताला खूप छान चव येते. मात्र यातला भात अगदी जरुरीपुरातच शिजायला हवा म्हणजे तो तसाच अख्खा राहतो आणि सूप मधल्या नूडल्स सारखा लागतो. शिवाय त्याबरोबरच्या भाज्याही अर्ध्याकच्च्या शिजतात आणि जास्त छान लागतात. 
     या सूप मध्ये तांदूळ, भाज्या आणि पाणी, चिकन broth, दूध सगळ्या घटकांचे प्रमाण अतिशय महत्वाचे आहे. ते प्रमाण बदलले तर 'सूप' ऐवजी भात घातलेल्या भाज्या किंवा tomato घातलेला भात किंवा दुधात शिजवलेल्या भाज्या अशा प्रकारचे काहीही लागू शकते. मी या सूपचे अनेक प्रयोग केले हे आधीच सांगितलेले असल्यामुळे हे स्वानुभवाचे बोल आहेत हे आता उघड आहे :)

     आणि आता या सूपबद्दलचं एक गुपित !!! हे अतिशय healthy आहे. गुपित अशासाठी की healthy पदार्थ म्हणजे नुसत्या उकडलेल्या भाज्या किंवा पौष्टिक धान्य घातलेला एक अत्यंत बेचव पदार्थ अशी आपली समजूत असते. पण जर असा पदार्थ अतिशय पौष्टिक आणि तरीही खूप चवदार, नाविन्यपूर्ण आणि झटपट होणारा असेल तर आपण त्याच्या मोहात नाही पडलो तरच नवल.

     तुम्हीही हे सूप करून बघा आणि त्याचा मस्त आस्वाद घ्या. अजूनही अनेक चविष्ट, खमंग, रुचकर आणि जिभेचे चोचले पुरवणाऱ्या पदार्थांसाठी माझा blog (http://malavikaskitchen.blogspot.com/) वाचत राहा.

Wedding Anniversary Special :)

     "मी मालविका." मी अगदी नेहमीसारखीच बोलले पण त्याला जरा शिष्ठ वाटले, पण तरीही आवडले. "आपण आधी practical बोलू." असं बोलून त्यानी बोलायला सुरुवात केली. मी अजूनही तशीच 'मालविका' आहे आणि त्याला आवडते आणि तो अजूनही practical बोलतो. अशी आमची तेव्हा पहिली ओळख झाली आणि आता आमच्या लग्नाला नुकतीच तीन वर्ष झालीही. कधी वाटतं याला तर कितीतरी वर्ष ओळखतीये आणि कधी अजूनही त्याच्याबद्दल एखादी नवीन गोष्ट कळते. पण एक गोष्ट तेव्हाही तीच होती आणि अजूनही टिकून आहे किंवा खरं तर वाढली आहे ती म्हणजे आमच्यातली Chemistry.

     माझा नवरा कसा असेल याबद्दल माझ्या काही कल्पना होत्या आणि मी माझ्या स्वभावानुसार त्याबद्दल analysis करून काही criteria ठरवले होते. त्यातली सगळ्यात महत्वाची गोष्ट होती ती म्हणजे, "तो वेडा असला पाहिजे." कुठल्यातरी गोष्टीचे वेड, passion यांनी झपाटून जाणारा असला पाहिजे. आणि ती गोष्ट तेजस मध्ये अगदी पुरेपूर आहे. तो music साठी खरच वेडा आहे. तो अनेक प्रकारची वाद्ये वाजवतो, music compose, record करतो. आणि या व्यतिरिक्त एकूणच फिरणे, लिहिणे आणि सतत jokes मारणे यात त्याला खूपच रस आहे. यातलीच त्याची एक अत्यंत आवडीची गोष्ट म्हणजे पदार्थ बनवणे. 

     आम्ही दोघेही अतिशय भिन्न प्रवृत्तीची माणसे आहोत. आम्हाला दोघांनाही कुठल्या न कुठल्या गोष्टीची passion आहे हे साधर्म्य सोडले तर आमचे आवडीचे विषयही अतिशय वेगळे आहेत. याला फक्त एक  अपवाद आहे आणि तो म्हणजे पदार्थ बनवणे. त्या एकाच गोष्टीत आम्ही खऱ्या अर्थाने एकत्र काम करू शकतो, आणि आश्चर्यकारकरित्या, मतभेद न  होता, आमचं त्यात उत्तम पटतं. लग्न झालेल्या सर्वांना ही गोष्ट किती दुर्मिळ आहे याची जाणीव असेल. एखाद्या संध्याकाळी किंवा कोणी येणार असेल तर मेन्यू काय करायचा हे ठरवणे, पदार्थाचा अंदाज घेणे आणि प्रत्यक्ष पदार्थ बनवणे हे आम्ही एकत्र करतो. शिवाय गंमत  म्हणजे एक पदार्थ तो बनवणार आणि एक मी या पद्धतीनी काम होत नाही तर आम्ही दोघेही एकत्रच पदार्थ बनवत असतो. आणि तरीही मीठ दोनदा पडलं किंवा अजिबात पडलंच नाही असं जवळपास कधीच  होत नाही. खरतर हे असं coordination आम्हाला सहजच जमलय. पण त्यामुळे पदार्थ बनवायला खूपच मजा येते आणि तेच सर्वात महत्वाचं !!
     आपल्या जवळच्या माणसांना आपल्याला त्यांच्याबद्दल काय वाटतं हे प्रत्यक्ष सांगण्याची फारशी कधी वेळ येत नाही. म्हणून आमच्या wedding anniversary च्या निमित्तानी मी तेजस बद्दल लिहितीये. मी blog लिहावा ही मुळात त्याचीच कल्पना आहे. मी आज तुम्हाला आमच्या Wedding Anniversary Special जेवणाबद्दल सांगणार आहे. अर्थातच हे जेवण आम्ही दोघांनी एकत्र बनवलं हे वेगळं सांगायला नकोच आणि तेच आमचं celebration होतं... !!!


भात:


साहित्य: 1 कप तांदूळ, 1 1/2  टी स्पून लोणी, बारीक चिरलेली कोथिंबीर, बारीक केलेले मिरे,थोडेसे तेल, 2 कप पाणी, मीठ चवीनुसार.
(1 cup rice, 1 1/2 teaspoons butter, finely chopped cilantro / coriander leaves, crushed black pepper, oil, 2 cups of water, salt to taste.)



कृती:

• पाणी तापत ठेवा. (Bring water to boil.)
• कढईत थोडेसे तेल टाकून त्यात लोणी टाका म्हणजे लोणी जाळणार नाही. (Heat little oil in pan and add butter. This way butter will not burn.)
• त्यात धुतलेले तांदूळ टाकून हलके होईपर्यंत परता. नंतर त्यात उकळलेले पाणी टाका. (Add washed rice and sauté for 2 minutes. Add hot water.)
• मीठ, बारीक केलेले मिरे, थोडीशी कोथिंबीर घालून नीट हलवून घ्या आणि झाकण ठेवून शिजू द्या. अशा प्रकारे केलेला भात एकदम मोकळा होतो. (Add crushed pepper, finely chopped cilantro / coriander leaves, salt and mix it well. Cover with lid and cook till rice is done.)
• भात शिजल्यावर वरून थोडी कोथिंबीर टाका. (Garnish with finely chopped cilantro / coriander leaves.)

या भाताला लोणी आणि कोथिंबीर याचा मस्त स्वाद येतो आणि तो जेवणातल्या बाकीच्या चवींबरोबर छान लागतो.

तंदूर चिकन:

साहित्य: 200 gram चिकन, 2 टेबल स्पून दह्याचा चक्का, 2 लसूण पाकळ्या, अर्धा इंच आलं, 2 हिरव्या मिरच्या, 2 टी स्पून तंदूर चिकन मसाला, अर्धा टी स्पून काश्मिरी लाल तिखट, पाव चमचा लिंबाचा रस, अर्धा टी स्पून तेल, चवीनुसार मीठ.
(200 gram chicken, 2 tablespoons hung curd, 2 garlic cloves, 1/2 inch ginger, 2 green chillies, 2 teaspoons Tandoor chicken masala, 1/2 teaspoon Kashmiri red chilli powder, 1/4 teaspoon lemon juice, 1/2 teaspoon oil, salt to taste.)
कृती:

• आलं, लसूण, हिरव्या मिरच्या बारीक वाटून घ्या आणि चिकन मध्ये घाला. (Make a fine paste of ginger, garlic, green chillies and apply that onchicken.)
• चिकनमधे तंदूर चिकन मसाला, काश्मिरी लाल तिखट, दह्याचा चक्का, लिंबाचा रस, तेल, मीठ घाला आणि नीट चोळून घ्या. हे मिश्रण अर्धा तास marinate करा. (Add Tandoor chicken masala, Kashmiri red chilli powder, hung curd, lemon juice, oil, salt and mix it well. Marinate for half hour.)
• ओव्हन 5 मिनिटे 200 deg C (400deg F) ला preheat करा. नंतर चिकन ओव्हन मध्ये ठेवून 175deg C (350deg F) ला 15-20 मिनिटे भाजून घ्या. भाजताना हवे असल्यास थोडे लोणी वरून लावा. (Preheat oven at  200 deg C i.e. 400deg F for 5 minutes. Roast chicken at 175deg C i.e. 350deg F for 15-20 minutes. Baste it with butter if needed.)
• खाताना त्यावर लिंबाचा रस आणि चाट मसाला टाकून खा. (Sprinkle Chaat masala and lemon juice.)

Stuffed Mushroom:

साहित्य: 8-10 मशरूम, 1/2 कप मटारचे दाणे, 1/8 कप पनीर, लिंबाचा रस, तिखट, चीज, ओरेगानो, मीठ चवीनुसार.

(8-10 mushrooms, 1/2 cup green peas, 1/8 cup Paneer, lemon juice, red chilli powder, cheese, oregano, salt to taste.)

कृती: 

• मशरूमचे देठ काढून आत पोकळी तयार करून घ्या. (Separate stems from mushrooms.)
• मशरूमला मीठ, लिंबाचा रस, ओरेगानो चोळून 10 मिनिटे ठेवा. (Marinate mushrooms with salt, lemon juice, oregano for 10 minutes.)
• मटारचे दाणे वाफवून, कुसकरून घ्या. त्यात किसलेले पनीर, तिखट, लिंबाचा रस, मीठ घाला आणि नीट मिसळून घ्या. (Steam and crush green peas. Add grated Paneer, red chilli powder, lemon juice, salt and mix it well.)
• हे मिश्रण मशरूमच्या पोकळीत भरा. त्यावर किसलेले चीज टाका. (Stuff mushrooms with the mixture. Add grated cheese on top.)
• ओव्हन 5 मिनिटे 200deg C (400deg F) ला preheat करा. नंतर मशरूम ओव्हन मध्ये ठेवून 175deg C (350deg F) ला 15 मिनिटे भाजून घ्या. (Preheat oven at  200 deg C i.e. 400deg F for 5 minutes. Roast mushrooms at 175deg C i.e. 350deg F for 15 minutes.)

Asparagus:

साहित्य: 1 Asparagus ची जुडी, olive oil, बारीक केलेले मिरे, मीठ चवीनुसार.

(1 bundle of asparagus, olive oil, crushed black pepper, salt to taste.)

कृती:

• Asparagus ची खालची जाड टोके कापून टाका. (Trim the ends of asparagus.)
• एका बेकिंग ट्रे वर Asparagus पसरा. त्यावर olive oil, मीठ, बारीक केलेले मिरे टाका आणि नीट चोळून घ्या. (Put asparagus on a backing tray. Drizzle olive oil, sprinkle crushed black pepper, salt and rub it well.)
• ओव्हन 5 मिनिटे 200deg C (400deg F) ला preheat करा. नंतर Asparagus ओव्हन मध्ये ठेवून 175deg C (350deg F) ला 10 मिनिटे भाजून घ्या. (Preheat oven at  200 deg C i.e. 400deg F for 5 minutes. Roast asparagus at 175deg C i.e. 350deg F for 10 minutes.)

     तंदूर चिकन, stuffed mashrooms आणि asparagus चा खरपूस भाजल्याचा वास ओव्हन मधून यायला लागल्यावर तुमची भूक अजूनच खवळेल. या सगळ्या वेगवेगळ्या चवी एकमेकांबरोबर खूपच मस्त लागतात. शिवाय यासोबत तुम्ही मक्याचे भाजलेले कणीस, सलाड किंवा एखादे सूप असे खाऊ शकता. अशा जेवणातला सगळ्यात गंमतीचा भाग म्हणजे हे जेवण सगळे एकत्र बनवू शकतात आणि त्यामुळे प्रत्येकजण स्वतःच्या कौशल्याने एकेका पदार्थाची रंगत वाढवू शकतो. तुम्हीही हे घरी एकत्र करून बघा आणि त्याचा एकत्र बसून, गप्पा मारत आस्वाद घ्या. 

Croissant Chicken Sandwich

     मला अगदी सुरवातीलाच हे सांगायला आवडेल की हा पदार्थ मी माझ्या दादाकडून शिकले आहे. असं आधीच सांगण्याचे दोन उद्देश आहेत. एक म्हणजे दादा हे sandwich इतकं मस्त बनवतो की त्याचे credit त्याला जरूर द्यायलाच पाहिजे. आणि दुसरं कारण म्हणजे नाहीतर मला पुढे कित्येक महिने, "तू माझी recipe  ढापलीस." असं त्याच्याकडून खूप चिडवून घ्यावं लागलं असतं. ज्यांना मोठा भाऊ असेल त्या सगळ्यांना हे चिडवणं कसं असतं हे नक्कीच कळेल.

     लहान असल्यापासून दादा करतो ते सगळच नेहमी बरोबर असतं अशी माझी एक समजूत झाली होती. त्यामुळे कुठल्याही गोष्टीत त्याच्यावर प्रचंड विश्वास. आम्ही चिक्कार भांडायचो पण जेव्हा कधी काही कारणानी मम्मा, बाबा बाहेर गेलेत आणि आम्ही दोघेच घरी आहोत अशी परिस्थिती निर्माण व्हायची तेव्हा तो एकदम जबाबदारीने माझी काळजी घ्यायचा आणि मी पण तो म्हणेल ते निमूट ऐकायचे. 

     एकदा एका संध्याकाळी मम्मा रात्रीच्या जेवणाची तयारी करत होती. पालेभाजी करायची म्हणून लसूण सोललेला होता आणि दुसऱ्या दिवशी सकाळची शाळा म्हणून ब्रेड आणलेला होता. आणि अचानक बाबाकडे delivery ची case आली आणि बाबा, मम्मा लगेच हॉस्पिटल मध्ये गेले. आमचं जेवण झालं नव्हतं. मग दादानी त्याचं सुपीक डोकं चालवलं आणि सोललेल्या लसणाची चटणी केली. बरं, तोही तसा लहान होता त्यामुळे त्याला मिक्सर चालवता येत नव्हता म्हणून त्यानी हातोडी काढली. ती स्वच्छ धुऊन घेतली आणि त्यानी लसूण कुटला. मग आम्ही ब्रेड बरोबर लसूण चटणी असं मस्त जेवण केलं. घरी आल्यावर मम्माला त्याचा हा पराक्रम कळल्यावर, "at least हा कधी उपाशी राहणार नाही." हे बघून हुश्श झालं.

     नंतर एकदा मी आठवीत असताना माझी चित्रकलेची elementary परीक्षा होती. आणि त्याच वेळी माझे आजोबा आजारी असल्यामुळे आम्ही सगळे पुण्याला होतो. माझी परीक्षा बुडू नये म्हणून मी आणि दादा दोघेच वाईला आलो. आणि परीक्षा झाल्याच्या दुसऱ्या दिवशी परत लगेच पुण्याला गेलो. पण तेवढे दोन दिवस दादानी माझी पूर्ण काळजी घेतली. एरवी इतके भांडणारे आम्ही, अशी वेळ आली की इतक्या प्रेमाने वागायचो. ते दोन्हीही दिवस दादा मला मस्त डबा तयार करून देत होता. आणि ते सगळे पदार्थ त्याच्या डोक्यातूनच आलेले असावेत कारण मम्मा तसे कधी करायची नाही. 

     तर आज त्याची recipe लिहिण्याच्या निमित्ताने मला त्यानी आजपर्यंत अनेकदा करून खायला घातलेले पदार्थ आठवले. मी अमेरिकेत आल्यावर पहिले चार महिने दादाची family, मी आणि तेजस असे आम्ही सगळे एकत्र राहत होतो. आणि नंतरही जवळपास एक वर्ष काही तासांच्या अंतरावर राहत होतो. त्यामुळे आम्ही सगळे अधूनमधून भेटायचो. आणि भेटल्यावर काय काय खायचे याचेच plans जोरदार असायचे. त्यावेळी प्रत्येकजण आपापली specialty dish करायचा. गम्मत म्हणजे दादानी केलेले पदार्थ एकदम सोप्पे वाटायचे आणि आम्ही परत घरी आल्यावर ते करून बघायचो पण ते कधीच त्यानी केलेल्या पदार्थासारखे व्हायचे नाहीत. कुठेतरी प्रमाणात कमी जास्त होत असेल किंवा 'एखाद्याच्या हाताची चव' म्हणतात तसा प्रकार असेल. पण दादाचे tomato rice, chicken steamboat असे काही खास पदार्थ त्यानी केलेलेच मस्त लागतात. 

     तर असाच खास त्याचा हा पदार्थ Croissant Chicken Sandwich. हा आम्ही अनेकदा केला आणि तो बराचसा दादासारखा जमलाय. म्हणून तुम्हालाही ही recipe सांगते. घरी नक्की करून बघा आणि कसा झाला ते जरूर कळवा.

साहित्य: 2 Sandwiches साठी

200 ग्रॅम बोनलेस चिकन, 1 वाटी मोठे तुकडे केलेली 2 रंगांची ढब्बू मिरची, 1 वाटी मोठे तुकडे केलेला कांदा, 1-2  बारीक चिरलेल्या हिरव्या मिरच्या, 1 टेबल स्पून बारीक चिरलेला लसूण, पाव टी स्पून तंदूर चिकन मसाला, अर्धा टी स्पून लिंबाचा रस, 2 टी स्पून लोणी, 1-2 टी स्पून tomato चिली सॉस (जर tomato ketchup असेल तर शिवाय अर्धा  टी स्पून साखर), किसलेले चीज, 2 Croissants (हे नसल्यास पाव भाजी चा ब्रेड किंवा ब्रेडचे स्लाईस), चवीनुसार मीठ.

कृती:

• चिकनचे छोटे तुकडे करून त्यात तंदूर चिकन मसाला, लिंबाचा रस आणि मीठ घालून 15  मिनिटे marinate करा. 
• कढईत अगदी थोडे तेल घ्या आणि त्यात 1 टी स्पून लोणी घाला. (असे केल्याने लोणी जळत नाही.)
• लोणी वितळले की त्यात बारीक चिरलेला लसूण घालून परता. लसणाचा रंग थोडा brown झाला की बारीक चिरलेली मिरची घाला.
• त्यात कांदा घालून थोडासा परतून घ्या आणि मग ढब्बू मिरची आणि मीठ घाला. कांदा आणि ढब्बू मिरची अगदी थोडी शिजवा. 
• त्यात  tomato चिली सॉस घाला. नीट मिक्स करा आणि बाजूला काढून ठेवा. 
• कढईत परत किंचित तेल घेऊन त्यात उरलेले 1 टी स्पून लोणी घाला. लोणी वितळले की त्यात चिकन घाला आणि शिजेपर्यंत चांगले परतून घ्या. चिकनला थोडे पाणी सुटेल. यात शिजण्यासाठी वेगळे पाणी घालू नका. 
• चिकन शिजले की त्यात मगाशी बनवलेली कांदा आणि ढब्बू मिरचीची भाजी घालून नीट मिक्स करा. 
• Croissant मधून अर्धा कापा आणि त्यात हे सारण भरा. वरून किसलेले चीज टाका आणि Croissant बंद करून microwave oven मध्ये 30 सेकंद गरम करा. यामुळे आतले चीज वितळेल आणि Croissant गरम  होईल.

     आता या मस्त गरमा गरम Croissant Chicken Sandwich चा भरभरून आस्वाद घ्या. यात चिकन ऐवजी पनीर चे तुकडेही घालू शकता. त्यात पनीरही marinate करून लोण्यावर परतून घ्या. ह्या Sandwich ला अगदी कमी साहित्य लागते आणि अगदी पटकन बनते. शिवाय 2 रंगांच्या ढब्बू मिरचीमुळे दिसायला एकदम आकर्षक दिसते. तर असे हे झटपट बनणारे आणि जिभेचे सगळे चोचले पुरवणारे Croissant Chicken Sandwich नक्की करून बघा. 

शेतातली सहल

     सध्या इथे अमेरिकेत उन्हाळा चालू आहे. त्यामुळे हिंडणे, फिरणे, ट्रीपला जाणे अशा घराबाहेरच्या activities खूप चालू आहेत. आम्ही जिथे राहतो तिथे हिवाळ्यात बर्फ पडत असल्यामुळे तेव्हाचा जास्तीत जास्त काळ घरातच काढावा लागतो. त्यामुळे उन्हाळ्याची सगळेजण खूप आतुरतेने वाट बघत असतात आणि तेव्हा बाहेर फिरायची एकही संधी सोडत नाहीत.   

कच्च्या Black berries

     असच मागच्या आठवड्यात आम्ही एका शेतात गेलो होतो. आपण भारतात कसं शेतात हुरडा खायला, मक्याची कणसे, हरभरे, ऊस खायला जातो चक्क तसच आम्ही अमेरिकेत गेलो होतो. त्या शेतात आत्ता काय पिकले आहे याची सगळी माहिती तुम्हाला घरी internet वर मिळते आणि तुम्ही त्या site वर register केलं की अधून मधून आता शेतात सध्या काय तयार झालय याच्या तुम्हाला email येत राहतात.

      इथे खूप मोठी मोठी शेतं असतात. त्यात वेगवेगळ्या भागात वेगवेगळ्या भाज्या, फळं लावलेली असतात. आणि त्याच्या direction साठी सगळीकडे पाट्याही लावलेल्या असतात. थोड्या थोड्या अंतरावर एक तात्पुरता आडोसा केलेला असतो आणि तिथे एक माणूस उभा असतो. तो आपल्याला पिकांच्या कुठल्या ओळीत जा म्हणजे तयार फळं किंवा भाज्या मिळतील ते सांगतो. शिवाय तिथे फळं गोळा करण्यासाठी पिशव्या, बॉक्सेस याची सोय केलेली असते आणि एक वजनाचा काटाही असतो. तुम्ही स्वतः शेतात जाऊन झाडावरची तयार फळं गोळा करायची आणि पिशवीत भरून आणायची. तोडता तोडता तिथेही थोडीफार फळं खाऊ शकता आणि उरलेली फळं विकत घ्यायची.     

     

Blue berries

     तर आम्ही आधी गेलो ते Blueberry च्या शेतात. इथे अमेरिकेत खूप प्रकारच्या berries मिळतात. त्यापैकी ब्लूबेरी करवंदासारख्या दिसतात आणि चवीला खूप मस्त लागतात. नेहेमी बाजारात पिकलेल्या ब्लूबेरी मिळतात. तिथे मी सहज एक कच्ची ब्लूबेरी खाऊन बघितली तर ती इतकी मस्त आंबट गोड, थोडीशी राय आवळ्यासारखी लागली. मग थोड्याशा तशा कच्च्याच तोडून आणल्या आहेत. त्याचे ताजे लोणचे मस्त होईल.

    

     

Grape tomato

     नंतर आम्ही कांदे आणि tomato च्या शेतात गेलो. कांदे जमिनीच्या आत लागतात असं फक्त माहित होतं पण कधी स्वतः ते उपटण्याची वेळ आली नव्हती त्यामुळे मजा आली. tomato अजून कच्चे होते त्यामुळे ते थोडेसेच कच्च्या tomato च्या भाजी किंवा चटणीसाठी आणले आहेत. इथे cherry tomato आणि grape tomato असे दोन अगदी छोटे द्रक्षासारखे दिसणारे tomato चे प्रकार मिळतात. तसे तिथे लागले होते. त्यातला सहज एक खाऊन बघितला तर तो इतका चवदार असेल याची आधी कल्पनाच आली नव्हती. वरून मस्त तयार पण करकरीत, अजिबात मऊ पडलेला नाही, आणि दाताखाली चावला की आतून मस्त रस यायचा. नुसता tomato इतका छान लागू शकतो असं कोणी सांगितलं असतं तरी खरं वाटलं नसतं. आम्ही तर ते नुसते फळं खावीत तसे खाल्ले. 

     

वांगी 

     मग आम्ही Black berry, Raspberry, वांगी, सफरचंद पहिली. पण ते सगळं अजून तयार व्हायचं होतं. शिवाय हिरव्या, काळ्या आणि लाल कच्च्या द्राक्षाचे मांडव पण पहिले. ते तर इतके सुंदर दिसत होते. द्राक्षाचे नाजूक घड आणि त्याची मस्त आकाराची पानं हे एखाद्या चित्रासारखं दिसत होतं. म्हणजे जीभ जरी नाही तरी डोळे पुरते तृप्त झाले. बाकी कोल्ह्याच्या गोष्टीसारखी द्राक्षे आंबटच असणार !!

     

Plums

     नंतर आम्ही Plum आणि Nectarine च्या बागेत गेलो. प्लम म्हणजे भारतात ज्याला आलुबुखार म्हणतात ते फळ. आणि Nectarine हे Peach च्या जातीतले एक फळ आहे. ह्या दोन्ही फळांना मस्त आंबट गोड चव आणि दोन्हीला अगदी वेगवेगळा पण खूप सुंदर स्वाद असतो. ती पण अगदी पोटभर खाल्ली. तोपर्यंत पोट अगदी तुडुंब भरलं होतं. पण फळांमुळे भरलेलं असल्यामुळे अजिबात जड झालं नव्हतं. आणि अशाप्रकारे बागेत जाऊन पोटभर फळं खाण्याची एक गम्मत असते. तिथे तुम्हाला वाटतं की आता जेवण रद्द !! पण फळं Appetizer म्हणून वागतात आणि शेतातून घरी जाईपर्यंत तुम्हाला परत भूक लागते. 

     अशा प्रकारे शेतात झाडावरून तोडून लगेच खाल्लेल्या या फळांना काहीतरी विलक्षण चव लागते. बाजारातून कितीही ताजी म्हणून आणलेल्या फळांना तशी चव कधी लागूच शकत नाही. तुम्हीही एकदा असं शेतात जाऊन खायचा आस्वाद घ्या म्हणजे मी काय म्हणतीये त्याचा तुम्हाला प्रत्यक्ष अनुभव येईल. 

     शिवाय  लहान मुलांसाठीच नाही तर मोठ्या माणसांसाठी सुद्धा ही एक चवदार आणि शैक्षणिक अशी ट्रीप होईल. कारण कित्येकवेळा आपण झाडं, फळं, भाज्या याबद्दल शाळेत शिकलेलो असतो पण एकतर त्यातल्या अर्ध्या गोष्टी विसरलेल्या असतात आणि अशाप्रकारे प्रत्यक्ष तर कधी बघितलेल्याच नसतात. त्यामुळे सुमधुर चव, ताजेपणा, रसरशीतपणा याबरोबरच जाताजाता नकळत शिक्षण मिळालं तर काय हरकत आहे !! काय मग तुम्ही कधी जाताय शेतातल्या सहलीला? 

बटर चिकन

     कुठल्याही पद्धतीने बनवलेलं चिकन हा मला वाटतंय माझा all time favorite पदार्थ आहे. जेवणात चिकन असलं की बहुतेक माझं मांजरात रुपांतर होत असावं. मांजरासाराखीच मी अगदी मन लावून खाते, ताटच काय तर चिकन शिजवलेलं भांडही चाटून पुसून स्वच्छ करते, खुशीनी बहुदा नसलेली शेपूटही हलत असावी आणि जेवण झाल्यावर तसाच एक तृप्त भाव माझ्या चेहेऱ्यावरही झळकत असावा.

     लहानपणी मी नेहमीचं जेवण कसबसं खायचे आणि जेवताना, "अगं पटपट जेव. जेवणाकडे जरा लक्ष दे. केवढसं खातेस." हे संवाद ऐकावे लागायचे. तेव्हा महिन्यातून एखाद्यावेळी चिकनचा बेत ठरलेला असायचा. आधीपासूनच या वेळी कशा प्रकारे बनवायचं ही ठरावा ठरावी व्हायची आणि चिकन बनवलं जायचं. त्यावेळचं जेवण मात्र कोणीही न सांगता अगदी व्यवस्थित व्हायचं. 

     त्यावेळी वाईला हॉटेल नसल्यामुळे जे काही नवीन खायचं ते घरीच बनवलं जायचं. खूप नवीन रेसिपी करून बघायचो, वेगवेगळे प्रयोग करायचो. नंतर पुण्याला एकदा हॉटेल मध्ये बटर चिकन खाल्लं आणि त्या पदार्थाच्या मी प्रेमात पडले. त्यानंतरही हॉटेल मध्ये खायचं असेल तर एक बटर चिकन मागवायलाच पाहिजे असा अलिखित नियम झाला. मला वाटतं चिकन खाणाऱ्या सगळ्यांचीच हॉटेल मध्ये गेल्यावर बटर चिकन ही पहिली निवड असते. त्याची ती आंबट आणि गोडसर चव, अगदी योग्य प्रमाणात पडलेल्या मसाल्यांचा स्वाद, मस्त शिजलेलं आणि वेगळाच सुंदर स्वाद असलेला चिकन आणि ग्रेव्ही मधला तो creaminess याचा मोह सगळ्यांनाच पडतो. 

     ते चिकन इतकं आवडलं होतं की तसं घरी करण्याचा प्रयत्न अनेक वेळा केला गेला. दर वेळी चिकन मस्त व्हायचं पण ती जी चव डोक्यात होती नेमक्या तशा चवीचं मात्र कधी जमलं नाही. तेव्हा विचार केला की याची काहीतरी अवघड रेसिपी असणार तेव्हा हा पदार्थ बहुतेक नेहमी हॉटेल मधेच खावा लागणार. अगदी अचानक एकदा संजीव कपूरची बटर चिकनची रेसिपी बघण्यात आली. म्हणलं करून तर बघूया..... आणि काय आश्चर्य ते बटर चिकन अगदी जसं पूर्वी खाल्लं होतं तसच बनलं. आणि सर्वात गम्मत म्हणजे त्याची रेसिपी अतिशय सोपी होती. ती करताना 2-3 अशा क्रिया केल्या होत्या की ज्या आधी अजिबात माहित नव्हत्या आणि त्यामुळेच त्याला त्याची अशी ती स्पेशल चव येत होती. त्यामुळे आता घरी बनवलेलं बटर चिकन हे हॉटेल पेक्षाही छान बनतं अशा निष्कर्षापर्यंत आम्ही आलो आहोत.

     तुम्हीही या रेसिपीनी बटर चिकन घरी करून बघा. मला खात्री आहे की तुम्हीही स्वतःला 'हॉटेलपेक्षाही छान बनवणारा / बनवणारी ' असं certificate देऊन टाकाल.

साहित्य:

500 ग्रॅम बोनलेस  चिकन, पाऊण वाटी दही, 1 इंच आलं, 2 पाकळ्या लसूण, 2 टी स्पून लिंबाचा रस, 1/2 टी  स्पून गरम मसाला पावडर, 1/2 टी स्पून काश्मिरी लाल तिखट (हे कमी तिखट आणि रंगाने खूप लाल असते. हे नसेल तर साधे लाल तिखट कमी प्रमाणात घाला.), 1 टेबल स्पून तेल (मोहरीचे असल्यास चांगला स्वाद येतो.), मीठ. 

ग्रेव्ही साठी: 2-3 tomato, 2  टी स्पून लोणी, 2 टी स्पून आलं लसूण पेस्ट, 1 बारीक चिरलेली हिरवी मिरची, 1/4 टी स्पून कसुरी मेथी, 1/4 टी स्पून गरम मसाला पावडर , 1 टी स्पून अख्खा गरम मसाला (लवंग, वेलदोडे, दालचिनी, काळी मिरी), 1 टेबलस्पून मध किंवा साखर, 1 वाटी क्रीम, मीठ.

कृती:

• चिकनचे छोटे तुकडे करून घ्या. त्यात तिखट, मीठ आणि लिंबाचा रस टाका आणि नीट चोळून घ्या. हे चिकन अर्धा तास ठेवून द्या.
• एखाद्या पातळ कापडात दही बांधा आणि 20 मिनिटे टांगून ठेवा. यामुळे दह्यातील पाणी गळून जाईल आणि घट्ट चक्का तयार होईल. 
• चक्क्यात तिखट, मीठ, आलं लसूण पेस्ट, गरम मसाला पावडर, तेल घाला आणि मिसळून घ्या. हे मिश्रण चिकनला नीट लावून घ्या आणि चिकन 3-4 तासांसाठी फ्रीजमध्ये ठेवा. (फ्रीजमध्ये ठेवल्यामुळे चिकनला पाणी सुटत नाही.)
• tomato गरम पाण्यात 5 मिनिटे उकळा आणि ते थंड झाले की मिक्सर मधून काढून त्याची प्युरी बनवा. 
• ओव्हन 10 मिनिटे 200deg C (400deg F) ला preheat करा. चिकन ओव्हनच्या लाकडी किंवा लोखंडी सळयांना लावा. (लाकडी सळया वापरणार असाल तर त्या आधी अर्धा तास पाण्यात भिजवून घ्या नाहीतर त्या ओव्हन मध्ये जळू शकतात.) चिकन 12 -15 मिनिटे बेक करा. चिकन शिजत आले की त्यावर लोणी लावा आणि परत 2 मिनिटे बेक करा. त्यानंतर ओव्हनमधून काढून ठेवा नाहीतर ते खूप कोरडे होते.
• एका कढईत किंचित तेल घ्या आणि त्यावर लोणी टाका. (तेलात लोणी टाकल्याने लोणी जळत नाही.) त्यात अख्खा गरम मसाला टाका. मग त्यात आलं लसूण पेस्ट आणि बारीक चिरलेली हिरवी मिरची टाकून किंचित परता. त्यात tomato प्युरी, गरम मसाला पावडर, मीठ, हवे असल्यास तिखट, पाऊण कप पाणी घाला आणि चांगले उकळा. gas बारीक करून अजून 5 मिनिटे उकळा. (हॉटेलमध्ये या ग्रेव्हीत लाल रंग घालतात. पण असा कृत्रिम रंग खाणे फारसे चांगले नाही. शिवाय पिकलेले tomato आणि काश्मिरी लाल तिखट वापरले असेल तर ग्रेव्हीला मुळात चांगला लाल रंग येतो.)
• कसुरी मेथी तव्यावर किंचित गरम करून घ्या आणि त्याचा हाताने चुरा करून ग्रेव्ही मध्ये टाका. मध किंवा साखर घाला. यात चिकनचे भाजलेले तुकडे टाकून 2-3 मिनिटे शिजवा. अगदी शेवटी फ्रेश क्रीम घालून मिक्स करा. (क्रीम घालून फार शिजवू नका. ग्रेव्हीच्या आंबटपणामुळे क्रीम फाटू शकते.)
• बाऊलमध्ये घेऊन त्यावर थोडे क्रीम आणि कोथिंबीर टाका. पोळी, नान, पराठा किंवा भात याबरोबर बटर चिकनवर मस्त ताव मारा. 

खरतर या अशा इतक्या सोप्या पदार्थाला त्याची अशी विशिष्ट चव येते ती कसुरी मेथी मुळे. शिवाय यात आधीच ओव्हनमध्ये भाजलेले चिकन टाकल्यामुळे त्या चिकनलाही मस्त खरपूस चव लागते. ग्रेव्ही मधला tomato चा आंबटपणा, मध / साखरेची गोडसर चव आणि क्रीममुळे आलेले silky texture यांनी तर रंगत अजूनच वाढते. चला तर मग लगेचच बनवायच्या तयारीला लागा.